Nvidia po planifikon të heqë mbështetjen për Windows 7, Windows 8 dhe Windows 8.1 këtë vit. Driver-at e Nvidia do të jenë të disponueshëm ekskluzivisht për Windows 10 në tetor, vetëm me critical security updates të disponueshme në Windows 7, Windows 8 dhe Windows 8.1 deri në Shtator 2024.
Microsoft tashmë ka hequr mbështetjen për Windows 7 dhe Windows 8, madje edhe mbështetja e zgjeruar për Windows 8.1 do të përfundojë në janar 2023. “Shumica dërrmuese e klientëve tanë të GeForce kanë migruar në sistemin operativ Windows 10”, thuhet në një shënim mbështetës nga Nvidia. “Në mënyrë që të sigurojë që pronarët e GeForce të përjetojnë sigurinë, mbështetjen dhe funksionalitetin më të mirë të mundshëm, Nvidia tani do të përqendrohet në sistemin operativ Windows 10.”
Tani ekzistojnë 1.3 miliardë pajisje aktive Windows 10, por Windows 7 është ende në përdorim në shumë pjesë të botës. Statcounter vlerëson se Windows 7 ende përbën 15 përqind të të gjitha versioneve të Windows. Windows 10 mbizotëron Steam duke përbërë gati 93 përqind dhe me Windows 7 me pak më pak se 2 përqind. Microsoft pritet gjithashtu të nisë një version të ri të Windows, ka të ngjarë të quhet Windows 11.
Driver-i i fundit i Nvidia për të mbështetur zyrtarisht këto versione të vjetra të Windows do të vihet në dispozicion në 31 gusht, me një lëshim të 4 tetorit që është i pari që mbështet vetëm Windows 10.