Nvidia po zgjeron serinë e RTX 30 duke zbuluar së fundmi RTX 3060
Nvidia po zgjeron serinë e RTX 30 duke zbuluar së fundmi RTX 3060
Së fundmi Nvidia ka publikuar shumë gjëra të reja dhe një ndër to është edhe karta grafike më e fundit e cila quhet RTX 3060. Me ketë kartë grafike (GPU) Nvidia premton performancë tepër të lartë dhe e sheh ketë një mundësi për të zëvendësuar GTX 1060 i cili përdoret akoma në shumë PC.
RTX 3060 do të përfshijë 12 GB memorie GDDR6 dhe do të ketë performancë 10 herë më të mirë në ray-tracing. Gjithashtu edhe 3060 do të përfshijë DLSS support dhe një numër të madh aplikacionesh nga ato të Nvidia RTX apps. E gjithë kjo do t’i bëjë gamers që të përmirësojnë PC e tyre gaming me një kartë grafike të re ose ndoshta të blejnë një laptop të ri të fuqizuar me një kartë grafike RTX 3060.
Teknologjia e re e DLSS përdor algoritme të avancuara dhe superkompjuterët AI për të analizuar lojën dhe për ta bërë imazhin më të qartë në rezolucione të ulta. Me pak fjalë nëse ju jeni duke luajtur me rezulocionin 1080p, ju mund të përdorni DLSS për të shkuar në rezolucionin 4K duke përfituar gjithashtu edhe më shumë framerate.