Laptopi do të ketë një Nvidia Quatro RTX 6000 24GB dhe do të kushtojë rreth $4000
Laptopi do të ketë një Nvidia Quatro RTX 6000 24GB dhe do të kushtojë rreth $4000
Laptopi më i shpejtë në botë u zbulua në IFA në Berlin: një workstation Asus i cili ka brenda tij një Nvidia Quatro RTX 6000 GPU. Ky workstation mbase nuk është diçka që i intereson fansave tanë të cilët janë më shumë të fokusuar drejt gaming, por Asus ProArt StudioBook One ofron një dizajn revolucionar i cili mund të ndryshojë të ardhmen e laptopëve të rinj gaming.
Asus ProArt StudioBook ka brenda tij dizajnin Ace të Nvidia, i cili ka për qëllim të arrijë performancë ekstreme në një laptop standart 15-inch dhe këtë gjë e bën duke e kthyer laptopi përmbys.
Çdo pjesë e fuqishme dhe e që lëshon nxehtësi e laptopit është zhvendosur nga vendndodhja standarte poshtë tastierës mbrapa ekranit të laptopit dhe ftohet me anë të dy dhomave të avullit me titanium. Kjo e bën këtë laptop të duket i thjeshtë dhe elegant në tavolinë si dhe mos të të përvëlojë këmbët kur e mban në prehër.
Fakti që këto dy dhoma avulli prej titaniumi mund të ftohin 300W fuqi dhe kanë nevojë për vetëm 25mm hapësirë do të thotë që brenda çdo laptopi që përdor dizajnin Ace mund të vendosësh një Nvidia RTX 2080Ti dhe ta bësh atë laptopin më të shpejtë gaming. Për të qënë të sinqertë, mund të vendosësh brenda tij dhe një Titan RTX, pasi ai ka të njëjtat parametra si Quadro RTX 6000 që Asus ka vendosur brenda ProArt StudioBook.
Quadro RTX 6000 përdor të njëjtën TU102 GPU si Titan RTX dhe RTX 2080Ti. Gjithashtu ka të njëjtin konfigurim core-sh si Titan, me 4,608 CUDA cores, 576 Tensor cores dhe 72 RT Cores. Karta gjithashtu ka dhe 24GB GDDR6 VRAM dhe më shumë fuqi ray tracing se çdo kartë tjetër e Nvidia.
Asus gjithashtu ka marrë dhe pak nga dizajnet e mëparshëm të laptopëve të tyre ROG, duke “vjedhur” idenë e një hapjeje ajrimi me mentesha nga laptopi i tyre Zephyrus dhe duke e vendosur atë në kapakun e StudioBook One. Kur laptopi hapet, pjesa e jashtme e kapakut gjithashtu hapet automatikisht duke e ftohur edhe më shumë laptopin.
Dizajni inovativ i laptopit ka shumë kuptim për një workstation të tillë dhe nëse do të donit të përdornit GPU-në më të fuqishme për gaming në një laptop, dizajni i StudioBook One do të ishte zgjidhja e duhur.
Në këto momente, RTX 2080 është GPU-ja më e fuqishme në një laptop, por me anë të këtij dizajni Nvidia dhe Asus mund të kenë gjetur zgjidhjen e duhur për të sjellë diçka të re në botën e laptopëve gaming.