Zhanra e battle royale-it është bërë një nga më të famshmet e gaming, kjo si për gamer-at e thjeshtë dhe për ata kompetitivë. PUBG ka qenë një nga lojërat më ideale që e përkufizonte zhanrën kur u lançua në 2017n. Loja kishte premisa të menjëhershme të një hiti, mbi të gjitha pasi kaloi një milion lojtarë brenda vitit. Gjithsesi me prezantimin dhe zgjerimin global të Fortnite në verën e 2017s, ekzistenca e PUBG u përball me kërcënimin e saj të parë.
Pavarësisht se numrat e lojtarëve vazhduan të rriteshin përgjatë pjesës së mbetur të 2017s, fundi i vitit pati ndryshime të mëdha për PUBG. Numri i lojtarëve vajti nga 1.5 milion në gjysëm milion në fund të 2018s. Fatkeqësisht, kjo rënie ka vazhduar dhe në 2019, me një rënie prej 37% të raportuar për këtë vit.
Sipas statistikave, në janar kishte 497,000 lojtarë në një mesatare, por nëntë muaj më vonë në shtator, kjo mesatare vajti në 311,000. Kjo është një humbje prej 180,000 lojtarësh, që ndaluan së luajturi për një arsye.
Muaji i shkuar ishte gjithashtu më i keqi deri më tani në 2019 për lojën. Shtatori pa një rënie me 13%, pavarësisht një rritjeje të lehtë në muajin e mëparshëm në gusht. Kjo rritje me shumë gjasa prej update 4.2, që solli ndryshime të mëdha për PUBG.
Rënia e PUBG vjen edhe prej suksesit masiv të lojërave të tjera në këtë zhanër si Fortnite dhe Apex Legends. Gjithsesi, problemet e PUBG duket ti kenë rrënjët më thellë se aq, me shumë lojëtarë, streamers dhe pro të esports që janë shprehur publikisht për regresin e lojës në gameplay dhe aspekte teknike.
Pavarësisht rënies në numrin e lojtarëve, PUBG të paktën po e mban veten kur vjen puna te audienca në Twitch. Sado që nuk është aq lart sa Fortnite dhe Apex, PUBG është loja e dhjetë më popullore në platformë gjatë 30 ditëve të fundit.
Duket se asgjë nuk mund ta ndalë rënien e PUBG. Me Apex që ka sjellë një hartë të re për sezonin e ri dhe Fortnite që pak a shumë po bën të njejtën gjë tani që do të kalojë në Chapter 2, nuk mund të mos pyesësh veten se sa të gjatë e ka PUBG?