Numri i lojtarëve të PUBG arrin shifrën më të ulët që prej 2017

Loja megjithatë ngelet popullore

PlayerUnknown’s Battlegrounds ka pasur një vit të vështirë deri më tani dhe numri i lojtarëve të lojës sa vjen dhe ulet. Në 9 shtator, PUBG kishte numrin më të ulët të lojtarëve që prej korrikut të 2017. Loja u lançua në mars të po atij viti. Numri i lojtarëve momentalisht është pak më shumë se 500,000, një numër shumë i vogël në krahasim me 3 milion lojtarë që loja ka pasur dikur njëherësh.

Zhvilluesit kanë sjellë në lojë update të shumta, duke u përpjekur të risjellin sërish lojtarët në lojë, përfshirë këtu një rework të hartës së parë të lojës Erangel, si dhe shumë harta të tjera që po shtohen gradualisht. Jo shumë battle royale kanë më shumë se një hartë për të luajtur, për të qënë të sinqertë (*khem* Fortnite).

Megjithatë, të kesh “vetëm” 500,000 lojtarë nuk është diçka e cila është vërtet shqetësuese. Shumica e zhvilluesëve do të bënin ç’të mundnin që të arrinin shifra të tilla në mënyrë konstante në lojërat e tyre, duke i luajtur ato përditë. Gjithashtu, duke parë se versioni mobile i PUBG vazhdon të marrë update të reja gradualisht, mbase gjërat nuk janë aq keq sa duken për PUBG Corp.