Dota Underlords ka nisur me një fillim fantastik. Pasi u lançua në një open beta, loja që Valve solli si një farë këndvështrimi të zhanrës autobattler ka ngjitur të gjitha çartet, duke u bërë loja më e luajtur në platformë, vetëm 24 orë pas lançimit.
Sipas statistikave të Steam, ka 169,983 njerëz që po e luajnë Dota Underlords teksa po flasim, duke e bërë kështu lojën e katërt më të luajtur në platformë pas CS:GO, PUBG dhe vetë Dota 2, duke lënë kështu pas edhe Rainbw Six Siege. Loja dje kapi një maksimum prej 202,334 lojtarësh.
Këto numra, që duket se kanë vetëm tendencë rritjeje, kanë lënë pas disa nga lojërat më të mëdha të Valve. Maksimumi që ka kapur nonjëherë Team Fortress 2 ka qenë pak më poshtë se 123,000 lojtarë, ndërkohë që Artifact i është dashur të kënaqet vetëm me 60,000.
Duke qenë se Underlords gjithashtu u lançua edhe në mobile, gjasat janë që historia me këtë lojë nuk do të mbyllet këtu. Loja tashmë është shkarkuar mbi 100,000 herë në Google Play.
Është ky pra një fillim mjaft i fortë. Valve sigurisht që ka Teamfight Tactics të LoL-it si konkurentin kryesor në këtë zhanër, por duket se në këtë pikë të dyja janë duke ecur kokë më kokë.