Nuk ka më update të Minecraft në Xbox 360, PS3, PS Vita dhe Wii U

Është fundi i një epoke

Koha mbaroi për update-et e Minecraft në Xbox 360, PlayStation 3, PlayStation Vita dhe Wii U. Update-i final: paketa Nightmare Before Christmas Mash-Up është publikuar.

Ky është fundi i një epoke, veçanërisht për versionin Xbox 360, konsoli ku Minecraft bëri aparencën e tij të parë në maj të 2012. Më vonë loja u shfaq në dhjetor të 2013 për PS3, në tetor të 2014s për PS Vita dhe në dhjetor të 2015 për Wii U.

Ka patur më shumë se 21 milion lojtarë të Minecraft në Xbox 360 dhe 73 update të lojës. Në fakt kemi pritur që update në konsole më të vjetra të merrnin fund. “Gjenerata e konsolave të vjetër tani përmban më pak se 5% të audiencës tonë aktive”, është shprehur Microsoft në fillim të këtij viti, “ndaj kemi vendosur të mbështesim lojtarët tanë në platformën ku ata e luajnë më shumë.”

Tani skuadra pas Minecraft,  4J ndan një moment shumë nostalgjik në Twitter. Hidhini një sy mëposhtë.