The Wolf Among Us 2 sapo u njoftua në Game Awards. E vështirë për ta besuar, por ja që po ndodh. Detajet kanë qenë të pakëta për vazhdimin e lojës dhe për një moment, me zhdukjen e Telltale Games edhe u mendua se projekti mund të anullohej, por ja ku është traileri i zbulimit të tij sot, për të vërtetuar të kundërtën.
Telltale Games u reduktua tmerrësisht shumë në staf në shtatorin e 2018s, vetëm që të hapej sërish në gusht të 2019s nën një menaxhim të ri. Shumë punonjës humbën punën dhe postin e tyre mbi projekte që studioja ishte duke punuar. Një prej tyre mendohej të ishte dhe The Wolf Among Us 2.
Është interesante sepse seria e parë e lojës: The Wolf Among Us është momentalisht falas në Epic Games Store dhe do të jetë falas deri në 19 dhjetor bashkë me The Escapists. Gjithsesi, shikoni trailerin e The Wolf Among Us 2 më poshtë.