fbpx
Video

Njihuni me fituesin e GameON Albania Fortnite Tournament

Intervistë me Skt T1 Ninja, fituesin e turneut të parë GameON Albania.

Qëllimi i GameOn Albania gjithmonë ka qenë, është dhe do të jetë gjithnjë, të jetë vendi I parë ku lojtarët/gamers-at drejtohen për lajmet më të fundit mbi gaming, informimi mbi tournamentet e ardhshme që ne do të organizojmë dhe si përfundim, thjesht të qënit komuniteti #1 gaming, ku lojtarët mund të mbështeten dhe të bëhen pjesë, për të zhvilluar më tej pasionin e tyre mbi video-lojërat.

Për ta konsoliduar më tej pozitën tone në spektrin social të lojërave, ne vendosëm të krijonim turneun tone të pare ‘gaming’, GameON Albania Fortnite Tournament, i cili duhet ta themi, ishte një sukses dhe i tejkaloi pritshmëritë tona. Interesi nga ana juaj ishte i madh, dhe ishit të paduruar gjatë gjithë kohës për të filluar dhe treguar aftësitë tuaja në lojë (gjë për të cilën na bëhet shumë qejfi). Turneu ynë zgjati 12 ditë, për shkak të pjesëmarrjes së madhe nga ana juaj si dhe për vetë faktin që, duhet ta themi, ishte turneu ynë i pare, dhe shumë gjëra po i zhvillonim duke mësuar rrugës.

Ju ishit 512 lojtarë, të gjithë nga treva të ndryshme shqip-folëse, duke përfaqësuar kështu çdo cep të hartës së shqiptarisë. Por, në fund, të gjithë e dime që ka vetëm një fitues, dhe ai ishte SKT T1 Ninja. “Ninja” ynë shqiptar, ose ndryshe Danieli, është një djalë 16 vjeç nga Lezha. Ai është një gamer fantastik me shumë ‘skills’ por tani, ai është dhe zyrtarisht fituesi i Tournament-it të Parë GameON Albania.

Danieli jo vetëm që fitoi prestigjin e të qënit fituesi i parë i turneve tona, të cilat ju sigurojmë që do të jenë të shumta në të ardhmen e afërt, por fitoi gjithashtu shumën e 100 eurove si dhe ‘t-shirt’-in e vendit të parë me design-in GameON Albania Fortnite #1 Place. Ne vendosëm që t’ia çojmë personalisht Danielit çmimin e tij, si një mënyrë për ta njohur atë më nga afër. Danieli ishte shumë i ekzaltuar, ne bëmë disa foto me të dhe bëmë një intervistë mbi gaming, se si iu fut ai lojërave dhe pritshmëritë e tij mbi tournamentin. Video të cilën mund ta shihni dhe më sipër.

Kjo eksperiencë e parë në organizimin e një tournamenti të tillë ishte shumë speciale për ne, prandaj ne duam të vazhdojmë me evente të tilla, të cilat do të vijnë gjithnjë e në rritje. Planet që kemi planifikuar janë të mëdha, kështu që sigurohuni të qëndroni të përditësuar me lajmet tona më të fundit (qofshin ato për ‘gaming industry’ ose për eventet tona të ardhshme) duke bërë ‘subscribe’ në Newsletter-in tonë.

Deri atëherë…Game On!