Një zbulim i Xbox-it të gjeneratës së ardhshme pritet, pasi Microsoft konfirmon konferencën 2-orëshe në E3

Microsoft ka konfirmuar se prezantimi i tij në E3 2019 do të zgjasë dy orë. Kjo i ka bërë të gjithë të mendojnë se me një kohëzgjatje të tillë, një konsolë e re e Xbox do të zbulohet në event.

Zakonisht konferencat e Microsoft në prezantimet e E3 nuk kanë zgjatur kurrë dy orë. Prezantimi i tyre i fundit në E3 2018 zgjati rreth 100 minuta dhe parvjen 90 minuta.

Fakti që Microsoft ka konfirmuar kohëzgjatjen, na bën të mednojmë se duhet të ketë shumë gjëra për të folur dhe për të diskutuar. Kjo thjesht i shton spekulimet se një konsolë e re Xbox do të zbulohet për pak.

Prej vitesh kanë nisur thashethemet për këtë të fundit. Kur llogarit pastaj që Sony ka që në prill që i ka dhënë detajet për konsolën e rradhës, arrin në përfundimin që Microsoft është pak me vonesë.

Sigurisht që në këtë pikë, konsolat e gjeneratës së ardhshme janë ende larg, por gjithsesi është koha që të zbulojmë diçka të re rreth parametrave që ato do të jenë në gjendje të ofrojnë.

Me Sony që i ka bërë skip E3 për këtë vit, presioni mbi Microsoft është shumë herë më i lartë. Kjo është deri diku thikë me dy presa, pasi kompania ose mund ta përdori vëmendjen për tu ekspozuar më shumë, ose mund të duket si e parpërgatitur nëse nuk plotëson pritshmëritë e publikut.

Në këtë gjeneratë ishte i qartë fituesi i betejës së konsolave, por nuk i dihet kurrë të ardhmes. Ajo që dihet është që do të duhet të presim për E3 që të zbulojmë diçka konkrete.