Kë preferoni, controller, mouse dhe tastierë apo milkshakes?
Kë preferoni, controller, mouse dhe tastierë apo milkshakes?
YouTuber-i gjerman Maxim ka krijuar mënyrën e tij të të luajturit League of Legends duke përdorur milkshakes në vend të një tastiere normale.
Ky sistem i çuditshëm e detyron lojtarin të pijë milkshakes në mënyrë që aftësitë e kampionit në lojë të funksionojnë.
Maxim ka 4 milkshakes, të cilat janë të lidhura me butonat Q,W,E dhe R dhe kur ai pi, kampioni përdor aftësinë specifike të kampionit. Mouse përdoret gjithsesi për të kontrolluar lëvizjet e kampionit dhe drejtimin e aftësive.
Normalisht, ky eksperiment nuk do të funksiononte me një kampion i cili përdor shumë ability njëherësh, prandaj Maxim zgjodhi Singed, një kampion i cili nuk ka shumë nevojë për mekanika në krahasim me kampiona të tjerë.
Loja nuk nisi mirë për Maxim, i cili u detyrua fillimisht të luante si Support pas një mosmarrëveshje me një lojtar tjetër për të shkuar në Top Lane, gjë shumë e zakonshme në Blind Pick. Ai gjithashtu pati disa probleme teknike të cilat e detyruan atë të qëndronte për pak kohë në bazë deri sa ai t’i rrregullonte.
Edhe pse në fund loja u humb (padyshim), Maxim arriti të luante duke përdorur milkshakes për të kontrolluar Singed dhe madje morri dhe një vrasje.
Maxim nuk është i vetmi lojtar që ka krijuar mënyra nga më kreativet për të luajtur një lojë. Streamer-i Rudeism njihet për sendet e ndryshme që përdor për të luajtur Overwatch, të cilat zakonisht janë të inspiruara nga heronjtë sepcifikë të lojës, si për shëmbull një dorezë boksi për Doomfist.
Megjithatë, kjo nuk është hera e parë as për Maxim, por padyshim që është më e çuditshmja. Më herët, ai ka luajtur League of Legends me një joystick, një timon dhe madje dhe një dance mat.