Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Dy minuta në lojë janë të barabarta me pesë orë kërkime laboratorike”
Sea Hero Quest është një videolojë e zhvilluar në bashkëpunim me studion e Deutsche Telekom të Gjermanisë, Glitchers dhe disa universitetete të caktuara Europiane. Loja është e dizenjuar për të identifikuar individët që mund të kenë shenja të hershme të problemeve të kujtesës.
Kur njerëzit mendojnë fjalën Alzheimer iu vjen në mendje një sëmundje që shkatërron plotësisht kujtesën e një personi. Gjithsesi stadet janë të ndryshme në këtë sëmundje. Ka nga ato të hershmet që duken të padëmshme dhe shpeshherë kalojnë nën hundë pa e kuptuar, ka edhe nga ato të gradave të fundit, që shkencëtarët dhe doktorët duan ti shmangin me çdo kusht.
Sea Hero Quest u ndërtua pikërisht për të identifikuar njerëzit që mund të jenë në rrezik të kësaj sëmundjeje, por që ende nuk janë prekur nga simptomat e rënda. Më e bukura është që sipas studimeve, loja ka rezultuar të jetë efektive.
Sea Hero Quest është lojë VR, ku lojtarët duhet të navigojnë përmes një varke virtuale. Atyre iu jepet një hartë dhe iu tregohen disa destinacione. Më pas harta iu merret nga duart dhe lojtarët duhet ti gjejnë ato vende pa e patur hartën me vete.
Sipas shkencëtarëve, dy minuta në lojë janë të barabarta me pesë orë kërkime laboratorike. Kjo sepse Sea Hero Quest, në versionin e saj mobile, ka vite që është publikuar, shkarkuar dhe luajtur nga 3 milionë lojtarë. Si pasojë është mbledhur ekuivalentja e 1700 viteve kërkim mbi Alzheimerin.
Shkencëtarët e projektit, kryen studimet mbi njerët që mbartnin genin APOE4, gen ky që mendohet të rrisë probabilitetin e dementias në njerëzit që e luanin lojën. Më pas ata i krahasuan këto rezultate me ato të njerëzve që nuk e kishin prezent genin.
“Njerëzit mbartës të genit APOE4 performuan më keq në navigimin e hapësirave. Ata ndoqën rrugë më pak efiçente për të arritur në destinacione.” është shprehur Professor Michael Hornberger.
Duke përdorur të dhënat e mijëra lojtarëve që e kanë shkarkuar dhe luajtur Sea Hero Quest, grupi i studiuesve arriti të krijonte një databazë me të cilën mund të krahasonte kërkimet. Në të ardhmen, shpresohet që loja do të arrijë të identifikojë njerëzit që vuajnë nga dementia, përpara se ata të arrijnë stade të mëvonshme të gjendjes së tyre.
