Një varkë misterioze po lëviz vetë në Fortnite

Lojtarët e Fortnite kanë vërejtur se një varkë loot-i misterioze, e shfaqur fillimisht prapa Fortilla është duke lëvizur pa u kuptuar rreth e qark hartës në mënyrë misterioze.

Pasi niveli i ujit në Fortnite filloi të ulej në 11 korrik, lojtarët kanë patur mundësi të gjejnë ndryshime të reja në hartë. Disa prej tyre kanë vërejtur se varka e loot-it që ishte afër cepit jugperëndimor të hartës, është duke ju afruar me ngadalë destinacioneve të tjera.

Streamer-i i njohur SypherPK vuri në dukje këtë ndryshim në një nga videot e tij, duke treguar se sa larg ka ecur kjo varkë deri më tani, që nga fillimi i sezonit.

Sypher tha se varka duket të jetë drejtuar për nga diga, që nuk qëndron shumë larg Misty Meadows. Gjithsesi, për momentin është e vështirë të parashikosh se ku mund të shkojë ajo.

Lëvizja e hartës nuk ishte i vetmi ndryshim që ka ardhur në atë pjesë të hartës. Pjesë të vogla rreth Rickety Rig gjithashtu u zhdukën me ndryshimin e nivelit të ujit.

Nëse lëvizja e kësaj varke do të ndikojë në historinë dhe përmbylljen e Chapter 2 Season 3, mbetet të shohim, por është e sigurt që lojtarët do mbajnë herë pas here një sy nga ajo.