Një sy gjigand është shfaqur në Polar Peak në Fortnite

Dikush po ju shikon juve duke luajtur Fortnite. Ose mbase është diçka.

Një sy gjigand po lëviz brenda ajsbergut në veri të Polar Peak. Kur lojtarët ulen para tij, syri lëviz dhe i ndjek ata. Ai nuk bën asnjë zhurmë tjetër dhe ka vetëm një ndihmë për të zbuluar se çfarë ai është dhe kjo është struktura biologjike rreth tij.

Syri është thuajse dy herë më i madh se lojtarët e Fortnite, çka do të thotë se krijesa është gjigande. Mbase aq e madhe sa një dragua. Mbase aq e madhe sa krijesat që dukeshin si dragonj brenda vezëve në Ice Castle kur ato të rriten.

Ky sy gjigand nuk ka ndryshuar asgjë në ishullin e Fortnite deri më tani dhe thjesht po qëndron i frikshëm dhe misterioz. Lojtarët e dalluan atë fillimisht dje, çka është e çuditshme duke parë se nuk kishte asnjë update ose diçka të ngjashme në lojë. Nëse do të ketë update këtë javë, ai do të vijë nesër si zakonisht dhe mbase do të ketë zhvillime të reja mbi ajsbergun.

Nëse nuk do të ketë ndryshime rreth syrit, me siguri që dataminers do të gjejnë diçka pasi loja të bëjë një update, i cili padyshim do të shtojë më shumë file në të. Në Fortnite, deri më tani nuk ka pasur kurrë një kafshë mitike si një dragua në lojë. Gjëja më e ngjashme me një NPC që është pjesë e historisë së lojës është kur u shfaq Kevin, i cili megjithatë nuk ishte një krijesë e gjallë. Mbase syri në Polar Peak tregon se do të kemi mundësi të ndërvepromë me diçka.

Presim që më shumë ndryshime të ndodhin në Polar Peak dhe te syri në update-t e ardhshme të Fortnite.