Sa do të ishit të gatshëm të paguanit për PS5?
Sa do të ishit të gatshëm të paguanit për PS5?
Për shumë gamers, lançimi i PlayStation 5 mund të jetë ndodhia më e shumëpritur e të gjithë vitit. Konsola e gjeneratës së ardhshme pritet të ofrojë arritje të reja përsa i përket anës grafike dhe gameplay-it dhe bashkë me to edhe plot lojëra të reja.
Një tematikë e debatuar shpesh gjatë muajve të fundit ka qenë kostoja që do të ketë konsola. Një thashethem i ri hedh një sugjerim për këtë. Përdoruesi i Reddit youessbee zbuloi se kishte marrë pjesë në një studim që pyeste për konsola të caktuara dhe alternativat e tyre sixhitale. Ky studim i pyeste për një çmim të mundshëm prej $435 për PS5 dhe $323 për edicionin dixhital.
Postimi tashmë është zhvendosur nga moderatorët e PS5, gjë që e bën edhe më të mundur si opsion. Sigurisht që këto numra nuk janë një konfirmim ekzakt se cili do të jetë çmimi final i PS5, por mund t’ju japë fansave një ide se rreth cilës shifër i ka sytë Sony.
PlayStation 5 pritet të lançohet në fund të këtij viti. Data ekzakte akoma nuk është bërë e ditur.