Fansat e Bully kanë lluajtur mendsh
Fansat e Bully kanë lluajtur mendsh
Komuniteti i GTA Online është sërish duke gumëzhitur mbi referenca të vogla të Bully, duke i bërë të gjithë të mendojnë se Rockstar mund të jetë duke hedhur shenjat drejt vazhdimit të lojës. Update-i i ri i GTA Online, Diamond Casino & Resort solli më shumë se thjesht një destinacion të ri brenda tij.
Ata me mjaftueshëm dollarë GTA-je mund të dekorojnë muret e kazinosë së tyre me piktura dhe dekorime të ndryshme, një prej të cilave është referencë e serive shumë të pëlqyera të lojës Bully. Ky detaj specifik u zbulua nga një përdorues i Reddit, që menjëherë arriti të bënte lidhjen me Bully 2.
Piktura në fjalë është e përbërë nga katër sektore që formojnë simbolin e shkollës në lojën Bully. Katër simbolet janë: një grusht, një gjarpër, një mi dhe një kafkë.
Piktura quhet Canis Canem Edit, që përkthehet në shprehjen “qeni ha qenin”, një tjetër e dhënë kjo që të bën të mendosh se është një referencë e Bully 2. Canis Canem Edit ishte emri i lojës Bully në disa vende përgjatë Europës. I njejti imazh quhet “prop_bully” në file-et e lojës, thjesht në rast se ndonjë mund të kishte dyshime.
Fansat e ekzaltuar fare pastaj, thanë se pikat dhe vizat brenda imazhit janë një mesazh në kodin Morse, por sigurisht që askush nuk u lodh ta analizonte më tej këtë si teori.
Një shpjegim më i thjeshtë për të gjithë këtë mund të jetë edhe Rockstar që bën referenca për lojërat e tij të vjetra dhe jo domosdoshmërisht shenja për një lojë të re. Një nga zhvilluesit e vjetër ka treguar çdo gjë që di për lojën e ardhshme të Bully, por edhe informacionet e tij, sado intriguese, duket të jenë të pakta. Gjithsesi vetëm koha mund të na e tregojë.