Një personazh i ri do të vijë në Apex Legends

Një nga njerëzit e Respawn e referoi këtë në një tweet

Nëse do të bazohemi në një postim të bërë nga Tina Sanchez, një prej zhvillueseve nga Respawn, mund të kemi zbuluar se kush është personazhi i ardhshëm i Apex Legends. Sanchez postoi një nga momentet e prapaskenave të procesit motion movements, nën shkrimin “Duke punuar me gjëra të Apex Legends.”

Kjo është diçka shumë e mirë, pasi tregon që Respawn Entertainment është duke punuar me kontent të ri për Apex Legends. Gjithsesi është përgjigjia që Sanchez i dërgoi një fanseje ajo që na bëri vërtet përshtypje.

Pasi u pyet nëse ky postim ishte një referencë për Crypto, një personazh që lojtarët kanë kohë që dyshojnëse mund të jetë personazhi i rradhës që do ti bashkohet Apex, Sanchez u përgjigj me një emoji që hesht.

Spekulimet se Crypto do ti bashkohej së shpejti Apex Legends kanë nisur që në Mars, nga një dataminer. Për këto spekulime Respawn as nuk ka mohuar dhe as nuk ka konfirmuar gjë. Gjithsesi ky leak ra në heshtje me ardhjen e Octane dhe Wattson në sezonet përkatëse.

Sado që për Crypto jemi larg një konfirmimi zyrtar, deklarata e Sanchez është mjaftueshëm provë që ta marrim këtë informacion si të vërtetë. Plus që është hera e parë që një e dhënë vjen nga vetë Respawn dhe jo një dataminer.

Le të shpresojmë që të marrim ndonjë trailer për të përpara se të fillojë Sezoni i 3.