Një demo e PES 2020 është njoftuar për PlayStation 4 dhe Xbox One, por duket se këtë rradhë, demoja do të vijë edhe në PC.
Konami konfirmoi se demoja e PES 2020 do të lançohet në Steam në 30 korrik, të njejtën ditë që ajo vjen edhe për PS4 dhe Xbox One. Ajo do të ketë Quick Play dhe një mode Co-Op. Gjithashtu edhe një Edit Mode ku lojtarët do të krijojnë paketat dhe skuadrat e tyre.
Demoja gjithashtu do të përfshijë 14 skuadra, përfshirë këtu FC Barcelona, Arsenal FC, Palmeiras, Flamengo, Sao Paulo, Sport Club Corinthians Paulista, Vasco da Gama, Boca Juniors, River Plate, Universidad de Chile dhe Colo-Colo. Tre skuadrat finale ende nuk janë konfirmuar.
PES 2020 do të përfshijë përmirësime të caktuara në krahasim me seritë paraardhëse të saj. Këto ndryshime do të vërehen në gameplay, ku shumë teknika do të përmirësohen, në Matchday dhe Master League.
PES 2020 do të lançohet në PC, PlayStation 4 dhe Xbox One në datë 10 shtator.