Një mace bëri ban Mei nga Overwatch League

Ata thonë se macja do i shpëtojë.

Overwatch League u rikthye për disa ndeshje online këtë fundjavë, meqë të gjithë janë duke punuar nga shtëpia. Kjo solli një situatë unike, pasi mbrëmjet e të dielës janë ditët që zgjidhen bans-at për javën e ardhshme.

Për javët e kaluara, përpara se gjërat të ndryshonin nga pandemia e COVID-19, gjërat bëheshin me një makineri bingoje me topa, për të zgjedhur rastësisht se kush nga heronjtë do të bëhej ban për javën e ardhshme.

Me të gjithë prezantuesit që po punonin nga shtëpia, ishte macja e Salome “Soe” Gschwind ajo që zëvendësoi makinerinë e fatit, duke sjell banin që po kërkonin shumica e fansave.

Macja sigurisht nuk dinte asgjë për Overwatch ose se çfarë heroi ishte poshtë kartave, por në një farë mënyrë zgjodhi Mei, duke sjellë një hare të paparë për të gjithë ata që ishin në stream.

Mei ka sjellë shkatërrim në ligë përgjatë gjithë vitit. Ajo kishte një ritëm zgjedhjeje prej 98% nga java në javë dhe ka qenë thuajse e palëkundur nga përzgjedhjet e disa skuadrave.

Këtë javë, nuk do të ketë Mei dhe e gjitha kjo falë një maveje. Ndoshta Overwatch League e ka gjetur më në fund formulën e duhur.