Se çfarë është një lojë EA HD pastaj..
Se çfarë është një lojë EA HD pastaj..
Electronic Arts ka në plan të njoftojë publikisht një “lojë EA HD” së shpejti, por askush nuk është tamam i sigurtë se cili është nënkuptimi i kësaj. Fraza duket të sugjerojë një remaster HD dhe fansat duket të duan rikthimin e Skate 3 ose Mass Effect. Sado që këto qëndrojnë si mundësi, kjo nuk do të thot që EA do të rikthejë katalogun e saj.
EA do të njoftojë disa lojëra të reja që janë për tu lançuar deri në 31 mars 2021 përgjatë muajve të ardhshëm. Këto lojëra përfshijnë një lojë ende të patitulluar të EA Sports, një lojë EA HD, katër lojëra EA Partners dhe dy lançime në mobile.
Loja EA HD mund të nënkuptojë një remaster, por gjithashtu mund të jetë dhe një mënyrë e përgjithshme për t’ju referuar një loje të publikuar nga EA e caktuar për konsolat HD përshembull. EA tashmë ka njoftuar Burnout Paradise Remastered për Switch, Command & Conquer Remastered dhe të përvitshmet FIFA, Madden NFL & NHL për këtë vit fiskal. Se çfarë ka mbetur përtej tyre vazhdon të mbetet një mister.
Ka shumë gjasa që të dëgjojmë më shumë për planet e EA gjatë EA Play në qershor. Deri atëherë vetëm mund të presim ose të spekulojmë.