Në muajt e shkuar, Ubisoft ka hedhur shenja drejt mundësisë së një instalimi të ri të Splinter Cell. Përgjatë kësaj kohe ka patur edhe shumë leaks që kanë sugjeruar të njejtën gjë. Me mbylljen e vitit, kanë filluar të qarkullojnë sërish thashetheme.
Javën e shkuar, një përdorues anonim deklaroi se Ubisoft do të njoftonte një lojë të re Splinter Cell në Game Awards 2019 për platformat e gjeneratës së ardhshme. Sipas këtij burimi, Ubisoft e ka ndarë punën në disa studio të ndryshme si Ubisoft Spain dhe Ubisoft Blue Byte.
Instalimi i ri mendohet të vendosë aktorin Michael Ironside sërish në rolin e tij si Sam Fisher. Gameplay do të fokusohet në dy përqasje për çdo situatë: offensive dhe stealth. Ubisoft gjithashtu mendohet që të ketë punuar në disa mode të ndryshme për lojën e re Splinter Cell.
Nëse ky leak do të jetë i saktë, lojtarët do të mund të zgjedhin ndërmjet multiplayer, split-screen co-op, local lan dhe një competitive mode. Sugjerohet se Ubisoft gjithashtu do të integrojë voice-chatt brenda lojës dhe suport për aplikacione zanore të palëve të treta si Discord dhe TeamSpeak.
I vetmi problem me këtë thashethem është njoftimi i lojës në Game Awards 2019. Kompania do të mbajë një konferencë për shtyp në E3 2020 gjithsesi dhe expo e vitit të ardhshëm do të jetë e gjitha për lojërat e gjeneratës së ardhshme. Pra njoftimi i Splinter Cell në E3 2020 do të kishte më shumë sens. Gjithsesi, mbetet që koha të na e tregojë.