Një lojë e re One Punch Man 3v3 ka dalë dhe fansat po e vënë shumë në pikëpyetje

Si mund ti bësh nerf Saitamës

Nëse jeni fans i serive anime të One-Punch Man dhe jeni gjithashtu i dhënë pas videolojërave, jeni me shumë fat, pasi Bandai Namco njoftoi lojën e parë të saj për konsola One Punch Man: A Hero Nobody Knows. Loja do të lançohet për PlayStation 4, Xbox One dhe Windows PC.

Shumë fansa e kanë shprehur emocionin e madh mbi këtë lojë nëpër media sociale. Gjithsesi krahas entuziasmit, do të ketë gjithmonë edhe fije dyshimi.

Në këtë rast fansat janë duke ngritur pikëpyetje ndaj përqasjes 3v3 që loja ka dhe se si ajo do të funksionojë me protagonistin e lojës, Saitama. Nëse nuk jeni të informuar me seritë, personazhi  Saitama ka fuqitë më të mëdha nga të gjithë dhe arrin ti mposhtë të gjithë armiqtë e tij pa u lodhur shumë vetëm me një grusht. Pak a shumë edhe ideja e titullit.

Është pikërisht ky tipar i Saitama që po i bën fansat të vënë në dyshim mënyrën se si do të funksionojë loja.

Përsa i përket vetë lojës, do të jetë një arena figter. Gjithashtu do të ketë një stil të ngjashëm dizajni me lojërat e tjera anime si: Dragon Ball Fghter Z dhe My Hero Academia. Pra do ti qëndrojë afër stilit origjinal të serive.

Sado që Bandai e bëri njoftimin për një lojë 3ve, trailer-i tregon vetëm një me një. Ndoshta në trailer-a të ardhshëm të gameplay-it do të mund ta shohim më tamam si ide.

Një lojë fighting gjithsesi, ja ka nevojën balancës dhe nëse i hedhim sytë nga Saitama, duke marrë parasysh veçoritë e tij, ai është shumë shumë i fuqishëm. Bandai Namco sigurisht që nuk mund ta lejojë këtë gjë në lojë, ndaj është shprehur se do ti balancojë personazhet në një mënyre që të mos prishet as lezeti. Në fjalë të tjera Saitama do të bëhet nerf.

Për momentin nuk ka shumë detaje mbi One Punch Man: A Hero Nobody Knows, por mendohet se loja do të vijë rreth 2020s.