Loja e re e Darksiders (ndoshta Darksiders 4), do të njoftohet në E3 2019 nga THQ Nordic. Është konfirmuar se ky i fundit do të njoftojë lojëra të reja këtë vit në E3, ndaj është e mundur që një prej tyre të jetë një lojë e re Darksiders. Tani kur marrim parasysh që Darksiders 3 u lançua në Nëntor, duhet ta trajtojmë të gjithë këtë lajm si një thashethem dhe jo si diçka të konfirmuar.
Një punonjës i kompanisë ka postuar një imazh që kishte një listë lojërash që do të njoftohen në Electronic Entertainment Expo. Lista përfshinte emra si Destroy All Humans dhe Darksiders: Genesis. Kjo i bëri shumë veta të mendojnë se ky ishte emri i lojës së ardhshme të Darksiders. Sigurisht që për momentin është vetëm spekulim. Plus titulli Darksiders: Genesis mund të jetë edhe një expansion për Darksiders 3.
THQ Nordic më parë ka thënë se nëse Darksiders 3 shet mirë, do të sjellë edhe një Darksiders 4. Duke marrë parasysh se Darksiders 3 ka shitur 71,000 kopje në Steam, nuk është çudi që herët a vonë të shohim instalimin tjetër të serive, por derisa të ketë ndonjë njoftim për Darksiders 4 duhet të vazhdojmë të kënaqemi me Darksiders 3.