2K krijon një studio të re dhe konfirmon zërat
2K krijon një studio të re dhe konfirmon zërat
Një lojë e re BioShock është duke u zhviluar, ka konfirmuar publikuesi 2K. Projekti do të jetë në zhvillim gjatë viteve të ardhshme dhe zhvillimi do të drejtohet nga studio e re e 2K, Cloud Chamber.
Cloud Chamber drejtohet nga Kelley Gilmore, i cili ka punuar në lojërat XCOM nga 2K si dhe me studion e Civilization, Firaxis.
“E kemi themeluar Cloud Chamber për të krijuar botë dhe histori ende të pazbuluara, të cilat kalojnë kufijtë e asaj që është e mundur në videolojëra,” – tha Gilmore. “Ekipi ynë beson në bukurinë dhe forcën e diversitetit, si në ekipin në studio, ashtu edhe në natyrën e mendimit.”
“Jemi një grup me shumë eksperiencë në krijimin e lojërave, përfshirë këtu shumë që janë përgjegjës për krijimin dhe avancimin e BioShock, dhe jemi të nderuar që jemi pjesë e familjes 2K dhe që do të vazhdojmë këtë seri ikonë.”
Kjo nuk është hera e parë që kemi dëgjuar për një lojë të re BioShock. Një raport në 2018 mbi zhvillimin e Mafia 3 thoshte se 2K kishte filluar të punonte për një lojë BioShock me emrin e koduar Parkside. Gjithashtu, disa vende pune të zbuluara përpara disa javësh konfirmonin gjithashtu se një studio e re e fokusuar në BioShock do të hapej së shpejti.
Zyrat e Cloud Chamber në San Francisco duket se janë ato të 2K Marin, për të cilën në 2014 2K tha se ishte përgjegjëse për të ardhmen e BioShock pas mbylljes së studios së Ken Levine Irrational Games.