Një leak zbulon pamjet e Xbox One-it pa disk drive në të

Si ju duket ideja e një Xbox-i pa disk?

Një leak mbi Xbox One-in “dixhital” që nuk ka disk drive brenda tij ka qarkulluar në internet dhe ka shumë gjëra që mund të deshirfrojmë nga pamjet.

Nga kutia duket se Minecraft, Sea of Thieves dhe Forza Horizon 3 mund të jetë të para instaluara në këtë konsol. Kutia gjithashtu tregon edhe një hard drive 1TB. Detajet rreth çmimit në këtë fazë nuk janë të ditura.

Duke logjikuar që foto të produktit kanë dalë online, nuk do duhet shumë kohë derisa Microsoft ta shpallë zyrtarisht. Eventi i rradhës që Microsoft do të mbajë për Xbox do të jetë në 16 prill. Krahas planeve që kompania do të ketë për në E3, mund njëkohësisht të njoftojë edhe ardhjen e këtij konsoli.

Microsoft gjithashtu është duke planifikuar një opsion “disk-to-digital”, ku mund të sillni diskun e një loje dhe të merrni kodin përkatës të saj. Pre-orders për All-Digital Xbox One thuhet se do të hapen në prill dhe se sistemi do të jetë live nëpër botë rreth muajit maj.

Sidoqoftë Xbox One pa disk mund të mos jetë e vetmja konsolë që Microsoft ka planifikuar për të ardhmen. Thashethemet thonë se Microsoft do të njoftojë të paktën një konsolë të gjeneratës së ardhshme në E3 këtë qershor.

Duhet të mbajmë parasysh se vetëm se Microsoft po pregatit një Xbox dixhital, nuk do të thotë që do ndalojë së prodhuari Xbox One e vjetër. Në këtë pikë jo të gjithë janë gati për versionin e ri. Shpejtësia dhe disponueshmëria e internetit varet shumë nga rajoni ku gjendesh. Pra Microsoft do mundësojë versionin plotësisht dixhital vetëm për ata që e duan.