Një leak zbulon çmimin dhe datën e ardhjes së PS5 dhe Xbox Series X

Teksa po përgatitemi për lançimin e PS5 dhe Xbox Series X, thashethemet mbi datat dhe çmimet e tyre po dalin nga çdo qoshe e internetit.

Microsoft e ka bërë më të lehtë për disa këtë gjë, duke thënë se lançimi i Xbox Series X do të jetë në nëntor, por çdo gjë tjetër përveç kësaj bazohet në leaks dhe thashetheme. Jemi që jemi, kemi dhe një leak të ri që duam t’ja shtojmë listës, që thotë se di datën e lançimit dhe çmimin e Xbox Series X, Xbox Series S, PS5 dhe PS5 Digital Version.

Përdoruesi i Twitter Roberto Serrano thotë se ka informacione të brendshme për konsolat  next-gen të Sony dhe Microsoft. Ai thotë se Xbox Series X do të lançohet në 6 nëntor për $499, ndërkohë që Xbox Series S do të vijë në 5 nëntor për $399.

PS5 pastaj do të lançohet në të njejtën ditë me PS5 Digital Edition, në 13 nëntor, respektivisht për $499 dhe $399.

Si gjithmonë me të tilla artikuj është e rëndësishme të mbani në mendje se ky është vetëm një leak dhe se nuk duhet marrë menjëherë si i mirëqenë. Viti po vjen drejt fundit gjithsesi, ndaj nuk do të na duhet edhe shumë kohë përpara se t’i marrim të konfirmuara informacionet për datën dhe çmimin.