Duket se Batman nuk do të vijë i vetëm në Fortnite
Duket se Batman nuk do të vijë i vetëm në Fortnite
Epic Games duket se është gati për të shtuar një item të inspiruar nga Joker në Gotham City-n e Fortnite, për të filluar zyrtarisht eventin e ardhshëm të lojës me serinë Batman.
Loja free-to-play ka pasur disa evente dhe bashkëpunime mjaft interesante kohët e fundit, përfshirë këtu Marvel’s The Avengers, Stranger Things, Borderlands 3 dhe shumë të tjera, por tashmë është rradha e Batman për të ardhur në Season 10 të Fortnite.
Pas lançimit të patch v10.31 në 18 shtator, dataminers zbuluan se një prej vendeve më popullore të lojës, Tilted Town, do të ndryshonte dhe do të zëvendësohej me Gotham City.
Shumë fansa kishin dyshime nëse ky event ishte i lidhur me Batman Day që është ditën e nesërme apo kishte si qëllim të promovonte filmin e ri të Joker që vjen në 4 tetor, por duket se do marrim pak nga të dyja në lojë.
Leaker-i i Fortnite HYPEX zbuloi disa detaje interesante pas ardhjes së patch-it, por një prej detajeve më misterioze dhe më interesante ishte ky item i inspiruar nga Joker.
Sipas HYPEX, ky item, i cili përshkruhej si “jam” nga dataminer-i, mund të vendoset në struktura të ndryshme në Fortnite, si për shëmbull mure.
Padyshim që ende nuk kemi shumë informacion se çfarë do të bëjë ky send brenda lojës. Ndër të tjera, shumë njerëz mendonin se Batarang i bërë leak që do të vinte në Fortnite do të ishte një item brenda lojës, por përfundoi duke qënë vetëm një teaser i shtuar në Tilted Town pas ardhjes së një Rift Beacon-i të ri.
Me kaq sa dimë, ekziston mundësia që ky item i Joker të jetë një tjetër teaser për këtë event, por me shumë mundësi ai do të jetë një item brenda lojës. Presim që më shumë informacion të zbulohet së shpejti, por duhet marrë parasysh se asgjë ende nuk është konfirmuar nga Epic dhe se ky item mund të ndryshojë ose dhe të hiqet në të ardhmen.