Një hartë e re po vjen në PUBG Mobile

Fourex mund të bëhet harta më e vogël në lojë

Një hartë e re do të vijë së shpejti në PUBG Mobile dhe nuk është Erangel 2.0. Pamjet nga një beta e lojës e publikuar kohët e fundit tregojnë një hartë të re klasike, e cila u quajt “Secret Map” në beta. YouTubers kanë sugjeruar që harta e re mund të quhet “Fourex”.

Fourex, kur të lëshohet përfundimisht, do të bëhet harta më e vogël në lojë. Sipas YouTuber-it të PUBG Mobile, Powerbang Gaming, madhësia e hartës do të jetë 2×2 kilometra. Për krahasim, madhësia e Sanhok është 4×4 kilometra. Pamjet nga beta zbulojnë se do të ketë disa struktura dhe ndërtesa të reja.

Një veçori tjetër interesante në lidhje me hartën është se lojtarët mund të shijojnë të katër terrenet PUBG Mobile në të. Harta mund të ndahet në katër pjesë. Secila prej këtyre pjesëve është e ngjashme me mjediset e Erangel, Miramar, Sanhok dhe Vikendi.

Kur Fourex të dalë, do të jetë harta e parë ekskluzive e PUBG Mobile. PUBG Mobile është duke e ngacmuar hartën në platformat e tyre të medias sociale dhe përmes “kartolinave” të dhëna për content creators. Këto kartolina kishin pjesëza të hartës së re mbi to.

Shumë lojtarë kishin spekuluar se harta që po bëhet tease mund të jetë harta e re e PUBG, Karakin, ndërsa të tjerët supozuan se mund të ishte Erangel 2.0. Këto teori u zhvlerësuan kur kartolinat ishin rregulluar për të treguar një hartë të re.

Deri më tani, asnjë datë lëshimi për hartën nuk është njoftuar. Zhvillimi i Fourex është ende në një fazë beta, kështu që mund të kalojë pak kohë para se të dalë në PUBG Mobile.