Një hartë e re mund të vijë në Apex Legends

Komuniteti i Apex Legends është momentalisht në pritje të Season 3 të lojës battle royale dhe si me çdo sezon të ri, e bukura është në ndryshimet dhe në gjërat e reja që do të vijnë në lojë. Me afrimin e tetorit, zhvilluesit kanë hedhur gjithmonë e më shumë të dhëna mbi çfarë duhet të presin lojtarët.

Deri më tani është bërë një zbulim i madh i historisë që mund të indikojë ardhjen e një harte të re në lojë. Gjithsesi duket se pas një përpjekieje jo të suksesshme për log in, Cryptop do të zbulojë lajme më të mëdha.

Në një postim në Twitter përpara pak ditësh u zbulua një teaser që thoshte: “Login attempt 00927_10: success”. Duket se Respawn ka diçka të veçantë të planifikuar për lojtarët në datë 27, nëse teksti i këtij Tweet-i është inkriptuar në mënyrën e duhur.

Ky teaser mund të jetë duke hedhur shenja për një trailer të ri të Season 3. Lojtarët tashmë e dinë se Battle Charge i Season 2 do të mbarojë në 30 shtator. Downtime mes ndërrimit të sezoneve nuk do të ketë ndaj që në 1 tetor fansat e Apex do të mund të shohin çdo gjë më nga afër. Plus është bërë pak si traditë për Respawn që të sjellë trailera të rinj, që shpjegojnë më mirë se çfarë do të ndryshojë përpara çdo sezoni.

Ardhja e një legjende të re, pra Crypto është tashmë e ditur nga fansat, por edhe një hartë e re që do i largojë lojtarët nga Kings Canyon përflitet shumë si teori. Sado që provat për këtë të fundit janë pak të turbullta, Crypto kërkon për një rrugë jashtë Solace, pra planetit ku Kings Canyon ndodhet. Kjo mund të nënkuptojë se një mjedis i ri do të vijë në formën e një harte të re për lojën.

Çfarëdo të jenë duke planifikuar zhvilluesit e Respawn, duket se lojtarët së shpejti do të kenë një trailer të ri që do ta heqë vellon e misterit mbi detajet e Season 3.