Një glitch në GTA Online po ju jep lojtarëve para falas

Një glitch i ri në GTA Online po i lejon lojtarët të marrin shuma të mëdha parash, pasi një bonus log-in është duke u përsëritur vazhdimisht.

Herë pas here Rockstar Games ju jep lojtarëve diçka për ti mbajtur në rrugët virtuale të Los Santos, që të vazhdojnë të luajnë GTA Online. Së fundmi zhvilluesit i dhanë lojtarëvë që bënin log in në prill një bonus falas prej $500,000, por duket se disa prej tyre kanë marrë shumë më shumë se aq.

Disa lojtarë të GTA Online e kanë marrë bonusin më shumë se një herë. Një përdorues i Reddit e ka bërë të ditur këtë problem, në një farë mënyre duke falenderuar Rockstar për të gjitha ato para.

Gjithsesi rruga nuk ka qenë e shtruar për të gjithë. Shumë kanë raportuar se nuk e kanë marrë bonusin asnjëherë, sado që e kanë marrë mesazhin e depozitimit të tyre nga loja.

Rockstar ende nuk e ka adresuar këtë problem, por lojtarët që ende nuk e kanë marrë bonusin do të jenë duke pritur për ndonjë rimbursim përpara se të mbarojë afati i këtij bonusi. Besojmë se Rockstar do e zgjidhë së shpejti këtë problem.