Një glitch në Call of Duty: Black Ops 4 po i lë lojtarët të fitojnë pa bërë asgjë

Fatkeqësisht kohët e fundit glitch-et janë shtuar shumë, jo vetëm në Call of Duty si duket, por në shumë lojëra në fakt. Teksa update-et zakonisht kanë qëllim të rregullojnë të tilla probleme, ndojëherë ato krijojnë të reja. Pak a shumë si një situatë që vazhdon e rivazhdon të përsëritet. Kur flasim për Call of Duty: Black Ops 4 pastaj, nuk mund të themi që hasemi shpesh me probleme të tilla. Madje pjesa battle royale e saj, Blackout është mjaft mirë shumicën e kohës. Kjo do të thotë që herë pas here edhe loja do të bjerë pre e manifestimeve të glitch-eve. Kjo është pikërisht ajo që ka ndodhur së fundmi.

Këtë javë, në Call of Duty : Black Ops 4, lojtarët e Blackout zbuluan një glitch që i lejon lojtarët të shkojnë direkt e në fund të lojës, pa u hasur me ndonjë lojtar kundërshtar gjatë rrugës.

Në Reddit, një lojtar postoi një video ku tregonte se si mund të qëndronte në një helikopter, ti largohej kufijve të hartës dhe të mos hasej kurrë me asnjë skuadër derisa automatikisht të mbetej i fundit në lojë. Nuk tregohej tamam se si mund ta arrije këtë glitch, por tregohej se si vihej në punë.

Mendohet që ky problem të ketë qenë pjesë e lojës që në lançimin fillestar të saj. Kjo do të thotë që jo shumë njerëz kanë qenë në dijeni të tij, përndryshe Treyarch do  kishte gjetur zgjidhjen në moment. Deri më tani është gjetur vetëm në PS4, por me shumë gjasa ndikon në çdo version të lojës.

Nëse Treyarch do të ndërhyjë për ta rregullluar është e garantuar që po, por se sa kohë do të duhet, këtë ende nuk e dimë. Call of Duty: Black Ops 4 është e disponueshme në PS4, Xbox One dhe PC.