Një glitch i çuditshëm në Apex Legends zhduk hartën e lojës

Ky glitch po i kushton shumë lojtarëve të Apex Legends

Kur luan lojëra battle royale si Apex Legends, shumë gjëra mund të sjellin vdekjen, duke filluar nga kundërshtarët e zotë, tek rotations të këqija ose dhe gabime të tuat.

Megjithatë, disa lojtarë kanë vënë re se vetë harta World’s Edge po sjell probleme, me një lojtar që ka postuar një klip në subreddit-in e Apex Legends, ku tregon një glitch që zhduk kundërshtarët dhe ndërtesat nga harta.

Në këtë klip, lojtari i Apex Legends është duke luftuar me një kundërshtar, por më pas has këtë glitch i cili nuk e lejon atë të fitojë një lojë me 10 vrasje. Ai po sulmon kundërshtarin nga lart, kur një mur i verdhë shfaqet dhe toka zhduket, duke ja hequr vrasjen nga dora.

Lojtari më pas vrapon me qëllim që të zgjidhë problemin, por has mure të tjera edhe më të mëdha, të cilat nuk e lejojnë të shohë në dhoma dhe madje mbulojnë edhe ndërtesa.

Duket se ka dhe lojtarë të tjerë të cilët po e hasin këtë problem, sipas komenteve në këtë postim. Një lojtar specifikon veçanërisht një ndërtesë në Capitol ku ky bug ndodh gjithmonë.

Për ata që e kanë hasur këtë glitch, fatkeqësisht Respawn Entertainment ende nuk e ka adresuar, prandaj lojtarët duhet vetëm të shpresojnë që zhvilluesit ta rregullojnë atë në të ardhmen.