Blizzardi i dhuron një udhëtim në BlizzCon me të gjitha shpenzimet e paguara
Blizzardi i dhuron një udhëtim në BlizzCon me të gjitha shpenzimet e paguara
Gjatë shkollës, të gjithë mësonim se kur gjen diçka që i përket dikujt tjetër ti duhet ta kthesh atë. Më vonë, në jetë njerëzit mësojnë së mund të përfshijnë gjykatat në çështje të tilla. Fatmirësisht, ky nuk qe rasti i disa javëve më parë, kur një fans i Blizzard-it gjeti kodin origjinal të StarCraft-it në një kuti vjeturinash në eBay dhe e dorëzoi me dëshirë në kompaninë që e kishte krijuar atë.
Cili ishte shpërblimi i tij për të qenë një qytetar i mirë?
Një udhëtim në BlizzCon i paguar plotësisht, shumë produkte të Blizzard-it dhe një natë argëtuese me zhvilluesit e lojës.
Historia fillon gati një muaj më parë kur përdoruesi i Reddit Khemist49 bleu disa gjëra në eBay të cilat si duket kishin ardhur nga një magazinë e braktisur. Midis tyre gjeti një disk me ngjyrë të artë i emërtuar “Kodi Origjinal i StarCraft-it”.
Dukej qartë se kjo nuk ishte një nga kopjet e lojës të shitura me pakicë, por ishtë kodi origjinal I Blizzard-it i përdorur për të krijuar lojën. Sigurisht që Blizzard nuk do ta vinte kurrë në dispozicion të publikut.
Khemist49 hyri në faqen e Reddit dhe u tregoi njerëzve zbulimin e tij dhe gjithashtu iu kërkoj këshillë. Ai gjithashtu vizitoji forumet e NintendoAge si dhe u tregoi gjetjen e tij me live stream në Twitch. Qëllimi i tij ishte zbulimi i vlerës së diskut.
Shumë njerëz e keshilluan se ai mund të kishte probleme ligjore. Anonimiteti i tij në internet, gjithashu ishte kompromentuar.
Nuk vonoi shume dhe Khemist49 mori një telefonatë. Ai u kontaktua nga një avokat përfaqësues i Blizzard-it. U bë e qartë se disku kishte humbur dhe me shumë gjasa mund të ishte vjedhur. Pasi u konsultua me avokatin e tij, Khemist49 bëri gjënë e duhur dhe i ktheu Blizzard-it diskun.
Si shpërblim, Blizzard-i i dërgoi atij një kopje të Overwatch-it dhe $250 kredi për dyqanin digjital të Blizzard-it.
Gjithashtu e ftoi atë në BlizzCon me të gjitha shpenzimet e paguara.
“Një javë më vonë më mori në telefon një nga punonjësit i Blizzard-it”, shkruante Khemist49. “Ai donte të më falënderonte për kthimin e diskut (që në fakt ishte vjedhur). Pastaj më pyeti nëse kam dëgjuar ndonjëherë për BlizzCon. I thashë, ‘Po, sigurisht, por është e pamundur që të shkoj sepse jetoj në bregun lindor dhe biletat janë gjithmonë të shitura para se të rifreskosh faqen.’ Ai tha, ‘Epo, arsyeja që po të telefonojmë është që të të ftojmë në BlizzCon, me të gjitha shpenzimet e paguara, dhe ne do të donim t’ju ftonim gjithashtu për pije. ‘Unë nuk dija ç’të thosha, u trondita. Nuk prisja asgjë më shumë se sa lojën që mora falas dhe kredinë në dyqanin digjital. Pas kësaj, e falënderova 1000 herë.”
Me e bukura ishte kur, pak ditë më vonë, një kuti e mbushur plot me lojëra të Blizzard-it u shfaq përpara derës së tij, bashkë me një seri të plotë të periferikëve të Razer-it me brandimin e Overwatch-it.
Me sa duket kjo ishte një gjë e madhe për Blizzard-in. Duke pasur parasysh se StarCraft është një lojë me rëndësi historike në këtë pikë, sigurimi i kodit origjinal të lojës ishtë me rëndësi të madhe për fansat e lojës strategjikë në kohë reale në nivel global.
Blizzardi ka konfirmuar që historia e Khemist49 është e vërtetë, por nuk kanë pranuar të thonë më shumë.
“E dimë se ka shumë kuriozitet rreth kësaj historie,” shkroi drejtuesi i marrëdhënieve publike Bob Colayco. “Ajo që mund të themi është se një fans i Blizzard-it kishte gjetur një kopje të kodit origjinal të StarCraft-it dhe për fat të mirë, ky person ishte i gatshëm për ta kthyer diskun tek ne. Ne dëshironim të tregonim nivelin e duhur të vlerësimit për ketë lojtar që bëri gjënë e duhur, jo vetëm nga Blizzard, por edhe në emër të komunitetit të madh dhe aktiv të lojtarëve që ende gëzojnë StarCraft-in deri sot”.
Blizzard kohët e fundit nxori Starcraft dhe Starcraft: Blood Wars falas. Ju mund t’i shkarkoni dhe t’i luani kur të doni.