Zhvilluesi i The Division 2, Massive, ka mbyllur përkohësisht të gjitha aktivitetet ditore dhe javore në The Division 2. Serverat u fikën dje teksa skuadra po përpiqej të rregullonte një exploit, që thjesht i bëri gjërat më keq.
Dje lojtarëve iu dha jo më shumë se tre minuta paralajmërim përpara se serverat të mbylleshin për arsye emergjence, të cilat si qëllim kishin të rregullonin një exploit që i lejonte lojtarët të ktheheshin në mënyrë repetitive nëpër projekte, duke marrë çmimet kështu më shumë se një herë. Massive nuk ishte në gjendje ta rregullonte exploitin, ndaj ndoqi një rrugë tjetër ngjariesh. Në një listë patch notes që u publikua mbrëmë, zhvilluesi Chris Gansler që merret me komunitetin e lojës, tha se “derisa të gjejmë një zgjidhje të problemit do të çaktivizojmë përkohësisht projektet ditore dhe javore.”
Project System i The Division 2 i jep lojtarëve një mënyrë mjaft efektive për të marrë loot. Është specifikisht e dobishme për ata lojtarë që nuk angazhohen shumë me PvP, duke garantuar një mjet për aksesimin e armëve të rankut më të lartë pa kaluar streset e Dark Zone.