Një event në lidhje me John Wick do të vijë këtë sezon në Fortnite

Informacionet mbi sezonin 9 sa vijnë e shtohen

The Reaper, skini i bazuar tek John Wick nga seria mjaft popullore e filmave me të njëjtin emër, është një prej skin-eve më popullore në Fortnite Battle Royale. Ai u bë i famshëm fillimisht gjatë sezonit 3 ku mund të merrej kur arrije Tier 100 në Battle Pass. Tani, rreth 1 vit më vonë, një event i lidhur me John Wick do të vijë këtë sezon në lojë.

Mënyra se si Wick’s Bounty do të funksionojë ende nuk është zbuluar zyrtarisht, po duket se Epic Games ka tanimë një bashkëpunim me krijuesit e John Wick. Filmi i ardhshëm i serisë, Chapter 3: Parabellum, do të lançohet në Shtete e Bashkuara të Amerikës në 17 maj 2019.

Wick’s Bounty vjen me plot sfida për t’u kaluar në sezonin 9. Disa prej tyre janë mbledhja e monedhave të arta dhe fitorja e vetë eventit. Ende nuk e dimë se çfarë do të ndodhë gjatë eventit, por duke parë filmat e John Wick, duhet të presim shumë aksion nga të gjitha anët.