Ja se si do të duken aftësitë e Sett
Ja se si do të duken aftësitë e Sett
Riot Games i ka dërguar disa lojtarëve të League of Legends një teaser për kampionin e ri të lojës, i cili me shumë mundësi do të quhet Sett. Kjo tregon se ritmi i zbulimit i kampionëve të rinj po rritet me shpejtësi, pasi vetëm një muaj më parë erdhi në lojë Senna, ndërkohë që Aphelios ende nuk ka ardhur në lojë.
Në Champion Roadmap-in e postuar nga Riot Games më herët gjatë këtij viti, u tha se do të prisnim dy kampionë të rinj pas Senna: një marksman dhe një juggernaut. Aphelios u zbulua fillimisht si kampioni më i ri që do të vinte në bot lane, gjë që do të thotë se kampioni i ardhshëm do të ishte padyshim një juggernaut.
Pak kohë më parë, dataminers zbuluan të dhëna që tregonin se kampioni i ri do të quhej Sett. Ata zbuluan Sett’s Calling Card, një item i cili mund të fitohej duke “impresionuar Sett“. Ky item do të mund të përdoret duke nisur nga 14 janari i 2020, prandaj pritet që kampioni të vijë në lojë përpara kësaj date.
Ditën e sotme, u raportua se disa lojtarë kishin marrë në internet një teaser për kampion-in e ri të Sett. Në këto e-mail-e, lojtarët merrnin një foto të qartë të aftësive të kampionit të ri.
Këto janë aftësitë e Sett:
Imazhet megjithatë nuk e tregojnë pamjen e Sett, pasi ato tregojnë vetëm kampionë që ndikohen nga aftësitë. Tek Q tregohet Garen pasi është goditur, tek W mund të shohim Dr. Mundo dhe mbase Sion, ndërkohë që tek R duket qartë Cho’Gath.
Poshtë secilit imazh ndodhet fraza: “We know you like to fight. Get ready for a new contender“. Së shpejti me shumë mundësi do të zbulohet më shumë rreth Sett.