Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Burimi vjen nga Rockstar India
Një përdorues në Reddit që thotë se ka informacione të brendshme nga një punonjës i Rockstar India ka postuar detaje të shumta si për Grand Theft Auto 6 dhe për Bully 2, dy lojëra që ka kohë që flitet që do të vijnë së shpejti nga Rockstar.
Kanë kaluar thuajse 6 vite që prej lançimit të GTA 5 dhe fansat kanë kohë që presin për lojën pasardhëse të serive. Siç pritet nga një seri kaq e madhe si GTA, ka pasur shumë leaks gjatë viteve të fundit, pa pasur asnjë të dhënë se cilat janë të besueshme dhe cilat jo.
Ka kaluar edhe më shumë kohë që prej lançimit të lojës së parë Bully në 2006 dhe shumë fansa po presin një lajmërim së shpejti, pas shumë muajve me zëra dhe easter eggs rreth një loje pasardhëse të Bully 2. Tani, një përdorues i Reddit thotë se ka informacion të brendshëm mbi të dyja këto lojëra.
Nuk ka nevojë të thuhet se këto detaje nuk janë aspak të konfirmuara dhe nuk do të jenë derisa informacione zyrtare të publikohen nga Rockstar.
Përdoruesi i Reddit thotë se ka një burim brenda Rockstar India, një prej ekipeve që përbëjnë Rockstar. Ai thotë se zhvillimi i plotë i GTA 6 ka filluar në verën e 2018, por zhvillimi konceptual ka rreth 6 vite që ka nisur, që pas lançimit të GTA 5.
Megjithatë, Rockstar India duket se është më e fokusuar tek Bully 2, një lojë që po zhvillohet për Xbox One dhe PS4 tani, por gjithashtu do të vijë dhe në PC dhe konsolat e tjera në të ardhmen.
Një prej deklaratave më të forta të këtij përdoruesi mbi GTA 6 është se loja do të zhvillohet në Vice City, një vendndodhje mjaft e njohur dhe e pëlqyer nga fansat e vjetër të GTA. Grand Theft Auto: Vice City u lançua fillimisht në Playstation 2 në 2002 dhe i dha mundësi lojtarëve të lëviznin nëpër Vice City, një qytet i shtrirë në dy ishuj.
Në fund, përdoruesi gjithashtu thotë se historia e GTA 6 do të vendoset nga vendimet e lojtarëve. Kjo nuk do të qe diçka e re për Rockstar, duke marrë parasysh faktin se ata janë të njohur për lirinë që i japin lojtarëve në story mode.
Për shëmbull, në fund të GTA 5, lojtarëve iu jepet mundësia të vrasin një prej personazheve të lojës, nëse ata duan ta bëjnë këtë gjë. Ky vendim më pas përcakton dhe segmentin final të historisë së lojës.
Edhe pse nuk ka asnjë mënyrë për t’i vërtetuar këto leaks, informacionet e këtij përdoruesi në fakt përshtaten mjaft mirë me pritshmëritë që lojtarët kanë për GTA 6.
