Një bug në CS:GO ju jep lojtarëve kontroll mbi smoke grenades

Që kur u lançua në gusht të 2012s, CS:GO ka qenë lidere në PC shooter. Loja e famshme e Valve ka kaluar shumë update dhe ndryshime për ti mbajtur gjërat interesante, por në të njejtën kohë edhe të balancuara.

Gjithsesi i gjithë ky reputacion mund të jetë nën kërcënim, që pasi lojtarët zbuluan një komandë në lojë që i lejon të ndryshojnë mënyrën e përhapjes së tymit dhe fire granades, përfshirë këtu ndryshimin e formës dhe zhdukjen e plotë nga ekrani.

Këto anomali u postuan në Twitter menjëherë pas zbulimit të tyre në formën e videove ku tregohej se sa punë mund të prishnin këto komanda. Në videon e mëposhtme, momente pas hedhjes së një smoke grenade, reja e tymit menjëherë ndryshoi formë.

E forta ishte që nuk ishte diçka që kishte ndodhur vetëm një herë. I njejti përdorues postoi një tjetër video në hartën Dust 2, duke treguar se si lojtarët, përmes kësaj komande mund të manipulonin formën e tymit, duke patur menjëherë super avantazh mbi lojtarët e tjerë.

E njejta komandë funksiononte edhe në përdorime të tjera, si përhapja e zjarrit përshembull, që në këtë rast zhdukej për një sekondë, përpara se të rikthehej në ekran.

Sado që flakët e zjarrit nuk zhdukeshim mjaftueshëm sa të kaloje komplet mespërmes tyre, ato krijonin mjaftueshëm hapësirë sa për ti dhënë avantazh dikujt që mnd të manovronte përmes tyre.

Më vonë fansat arritën në përfundimin se komanda i lejonte granatat të ndryshonin kaq shumë sepse ato nuk vareshin nga serverat, por nga vetë kompjuterat e lojtarëve. Pra në varësi të mënyrës së hedhjes së granatës, ato do të paraqiten ndryshe për çdo lojtar.

Valve ende nuk ka kthyer përgjigje nëse do të bëjë ndonjë update për këtë. Askush për momentin nuk e ka testuar këtë aftësi në një server LAN. Nëse edhe aty kjo komandë funksionon, zhvilluesve do iu duhet të hidhen menjëherë në aksion për ta rregulluar.