Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
PUBG Global Championship është eventi më i madh pro i çdo viti për këtë lojë. Me mbi $3 milionë në prize pool dhe me skuadrën fituese që klasifikohet si skuadra më e mirë e PUBG në botë, mund të themi se ka goxha gjëra që vihen në lojë.
32 skuadra kaluan në 24 për gjysmëfinalet, ku më tej mbetën 16 për finalen e madhe në 23 nëntor. Një prej këtyre skuadrave ishte The Rumblers, të cilët erdhën në turnament pasi një nga ekipet e anulloi pjesëmarrjen për çështje vize.
Sidoqoftë, kjo nuk i ndaloi ata që të jepnin maksimumin e tyre me disa fragmente të shkëlqyera të gameplay-it. Dita e 2 e gjysëmfinaleve i gjeti në fund të lobby-t me 11 pikë. Sikur të mos mjaftonte kjo, fati i tyre u duk se shteroi plotësisht kur duhet të përballeshin edhe me një bug.
Skuadra nga Amerika e Veriut ishte duke u përgatitur për lojën në Miramar, duke bërë loot rreth Hacienda gjatë fazës së tyre të parë të rotacionit. Ishte Alex ‘CherryPoppins’ Penner që po drejtonte grupin, por teksa po hynte në një ndërtesë për të marrë loot, ai u hodh tutje në ajër.
CherryPoppins përfundoi duke u eleminuar prej damage-it që mori. Shoku i tij i skuadrës, Agron ‘Waldoe’ Jashari më tej u gjend me CherryPoppins në një 1v3, ndërkohë që Lari-Pekka ‘LosHD’ Hopiavori erdhi për ti ndihmuar më vonë.
Waldoe ja doli që të kapte një kill përpara se të eleminohej, por të tre ata u dogjën, duke e lënë skuadrën me një lojtar të mbetur gjatë gjithë pjesës së mbetur të hartës.
Me gjithë të drejtën e botës CherryPoppins ishte i acaruar me këtë bug, duke ja vënë fajin PUBG mbi një glitch kaq të madh në një moment kaq të rëndësishëm.
“Imagjino të kalosh një bug kaq të madh në një turnament mbi 3 milionë dollarë.” Shkruajti ai në Twitter.
Ishte e mundur në fakt që lobby të bëhej nga e para, sepse vdekja e CherryPoppins ishte e para në lojë dhe në atë pikë kishin kaluar vetëm tetë minuta Gjithsesi, adminët nuk menduar se ky do të ishte vendim i drejtë, duke i lënë Rumblers në mëshirë të fatit.
Imagine experiencing a massive bug that cost you a crash/fight in a tournament that’s over 3million dollars. 🙃
— CherryPoppins (@CherryyPoppins) November 17, 2019
Rumblers i mbyllën gjysëm finalet me 65 pikë, duke u renditur të 7 në grup. Kjo ishte e mjaftueshme sa për të siguruar një vend në 16-shen e finales, ndaj CherryPoppins dhe pjesa tjetër e ekipit do të kenë mundësi ta vazhdojnë betejën fundjavën e ardhshme.
Finalja e madhe e PUBG Global Championship do të mbahet në Oakland të Kalifornisë në 23 dhe 24 nëntor.
