Bomba ra përmes hartës
Bomba ra përmes hartës
Një glitch i pafatë i ka kushtuar vendin në turnament një ekipi në CS:GO pasi bomba ra përmes hartës dhe nuk mund të arrihej.
CS:GO është një lojë e cila vërtitet rreth bombës. Terrorists duhet të vendosin bombën nëse duan të fitojnë raundin, ndërsa Counter-Terrorists duhet të gjejnë një rrugë për ta çaktivizuar atë kur ajo vendoset.
Megjithatë, çfarë ndodh kur bomba bie jashtë hartës? Një ekip australian e përjetoi këtë gjë gjatë fundjavës, duke i kushtuar atyre serinë e ndeshjeve.
Në kualifikueset e eXTREMESLAND 2019, një turnament aziatik LAN, ekipi i njohur i Oqeanisë Avant Gaming ishte përballë Ground Zero Gaming. Me seritë me rezultat të barabartë dhe një ndeshje pranë mbylljes në Nuke, Ground Zero duhet të fitonte 3 raunde rradhazi për të kaluar në overtime.
Ata bënë push jashtë Nuke dhe u përpoqën të kalonin tek B, por u kapën nga AWPeri i Avant Euan ‘Sterling’ Moore. Ndërkohë që ishin 1v4, Callum ‘BURNRUOk’ Henderson u mundua të bënte rotate për të çaktivizuar bombën, por ajo kishte ngecur poshtë hartës.
Kur Ground Zero kishte hedhur bombën për ta bërë këtë play, bomba fatkeqësisht kishte rënë nga harta poshtë derës së garazhit pranë hyrjes kryesore.
As komentuesit nuk mund ta besonin atë që po ndodhte, pasi ngelën të shtangur nga fati i keq i Ground Zero.
“Bomba është poshtë hartës, çfarë dreqin? Po tallesh me mua?” – tha Dion ‘Komodo’ Pirotta.
Me objektivin që nuk mund të merrej, BURNRUOk ishte i detyruar të kapte katër vrasje që ekipi i tij të qëndronte në lojë, por nuk arriti. Ground Zero humbi hartën 16-12 pas atij raundi dhe njëkohësisht serinë, gjë që i kushtoi atyre një vend në LAN.
Edhe pse me shumë mundësi BURNRUOk nuk do të arrinte ta fitonte clutch-in, gjëra më të çuditshme kanë ndodhur në Counter-Strike profesionist. Megjithatë, atij kurrë nuk iu dha një mundësi për t’u munduar ta mbante ekipin e tij në lojë.