Që pas lançimit të saj në shkurt të këtij viti, Apex Legends është në sezonin e saj të tretë, por duket se gjërat ende nuk po ecin aq vaj për Respawn Entertainment. Fansat kanë vërejtur probleme me performancën e lojës dhe tani kemi të bëjmë me një problem që mund ti përfitojë lojtarët, por të dëmtojë xhepat e Respawn.
Përmes një postimi në subreddit-in e Apex Legends, përdoruesi ‘hagennn‘ zbuloi se pasi u bë disconnect nga një lojë që po luante me mikun e tij, ai mori 7,000 Apex Coins pa asnjë lloj arsyeje.
Sado që një pjesë e komunitetit të Reddit mendoi se mund të kishte qenë një glitch vizual, hagenn zbuloi se miku i tij mund ti shpenzonte këto coins në Apex packs.
Lojtarë të tjerë zbuluan se kishin përjetuar “probleme” të tilla të ngjashme në të shkuarën. Një përdorues tha se kur kishte aktivizuar account-in e tij në konsolën e një shoku, pasi ishte bërë disconnect, kishte marrë të gjitha blerjet e mëparëshme që kishte bërë shoku i tij në Apex Legends.
Çështë e vërteta 7,000 nuk është as numri më absurd që është hasur në një situatë të tillë. Në shkurt, një lojtar mori mbi 125 milion Apex Coins nga hiçi. Lum ai apo jo?
Deri më sot nuk ka patur ndonjë shumë që i është përafruar kësaj, por duket se ende ka një glitch në sistemin e Respawn që është duke shpërndarë monedha loje falas. Mbetet ende të shohim nëse ky problem do të ndreqet në të ardhmen.