Një armë e re anti-choppa do të vijë së shpejti në Fortnite

Një leak i ri në Fortnite ka zbuluar se një rocket launcher anti-Choppa është në punë e sipër dhe ka gjasa që të jetë shumë vdekjeprurës.

Data miner i njohur i Fortnite, iFireMonkey arriti të zbulonte një tjetër armë në filet e lojës, me emrin e koduar: MistyBop.

Sipas informacioneve të tij, kjo armë e re mund të jetë një raket hedhëse me një aftësi të veçantë, që do i lejojë lojtarët ta përdorin për të shënjestruar një Choppa dhe për ta hedhur atë poshtë me vetëm pak goditje.

Sado që nuk ka asnjë imazh ose animin të kësaj arme, ka dy file zanore të lidhura me të që zbuloi leaker-i. Njëra duket të jetë paralajmërimi që do të marrë piloti i Choppa kur të vihen në shënjestër nga arma.

Disa fansa të Fortnite mund ta vënë në dyshim nevojën e një arme që shkatërron Choppa, duke marrë parasysh se ky automjet ajror është shumë i padëmshëm në krahasim me të tjerët. Gjithsesi nuk vihet në dyshim se shumë të tjerë do e shohin si diçka të re që do e mbajë lojën të freskët.

Është e vështirë të thuash në këto momente se kur mund të vijë kjo armë në lojë, por mbetet të presim dhe të shohim se cili do të jetë hapi i rradhës për Epic.