Një aktivitet me gjashtë lojtarë do të vijë në Season of Opulence të Destiny 2

Me Season of Opulence të Destiny 2 një javë larg, Bungie ka zbuluar më shumë informacione rreth gjërave që Guardians mund të presin në shtesën e tretë dhe të fundit të Destiny 2: Forsaken Annual Pass.

Season of Opulence  do të sjellë një aktivitet të ri me gjashtë lojtarë të quajtur Menagerie, një lloj labirinthi sfidash në Leviathan. Nëse e plotësoni këtë aktivitet do të keni akses te Chalice, duke marrë rrjedhimisht armë dhe mburoja specifike si shpërblime për fitoren tuaj. Të gjithë lojtarët që e kanë mbaruar Forsaken do të ftohen të provojnë Menagerie, që me kalimin e kohës mund të bëhet upgrade për shpërblime më të fuqishme.

Gjatë muajit të qershorit, për ata që kanë Annual Pass, do të kemi shfaqjen e disa boss-ave të rinj të Mengaerie. Në 25 qershor pastaj do të shtohet një nivel i ri me vështirësinë Heroic. Për të marrë pjesë në të do iu duhet një fireteam paraprak.

Season of Opulence gjithashtu do të ofrojë një quest Imperial Summons me shpërblime Power Surge në nivelin 690 të fuqisë, për ti ndihmuar lojtarët të përshtaten më shpejt me ndryshimet e reja. Eventi Solstice of Heroes do të rikthehet dhe armë dhe mbruoja të reja do i shtohen listës. Përfshijmë këtu edhe një Pinnacle Gear të re.

Bungie ka thënë: “Teksa ecim drejt sezonit të ri, më shumë përmbaje e re do të shfaqet. Do të zbulohen shumë quests që do të çojnë më tej në paisje Exotic. Tribute Hall dhe Moments of Triumph do të bëhen të disponueshme për tu eksploruar dhe plotësuar. Solstice of Heroes do të sjellë festime me shpërblime dhe surpriza të reja.”

Dikur Bungie ka thënë se do të diskutonte për të ardhmen e lojës, pasi Season of Opulence të ishte live dhe të plotësohej raid-i i parë. Tani mbetet të presim se ç’mund të ketë në mendje zhvilluesi.