Nitro Games e Discord do të mbyllet në tetor

Askush nuk po i luan lojërat flas, ndaj Discord thjesht do i heqë.

Programi Nitro i Discord, një shërbim subscription që ofron opsione shtesë në këtë platformëdhe akses në shumë lojëra indie do të mbyllet. Discord tha se ka mësuar shumë gjëra që kur e solli Nitro live në tetor të 2018s, përfshirë këtu faktin se shumica e abonentëve të Nitro nuk i luajnë lojërat.

“Pasi e analizuam, vendosëm se nuk do ti rinovojmë këto kontrata,” shkruajti Discord. “Katalogu i Nitro Games do të zhvendoset në 15 tetor 2019.”

Nitro ka qenë i disponueshëm për $10 në muaj ose $100 në vit, plus opsioni $5 për ata që duan vetëm opsionin e tipareve shtesë të Discord. Këto çmime do të vazhdojnë të mbahen, por paketat do të ndryshohen që të reflektojnë mungesën e lojërave.

Plani $10, që gjithashtu suporton stream-et “Go Live” i është dyfishuar masa maksimale e upload-eve në 100MB dhe numri i boosts që duhen për të arritur nivelin e tretë ka vajtur nga 50 në 20. Plani $5 pastaj do të ofrojë të gjitha avantazhet për chat-in, por nuk do të mundësojë server boosting.

Tipare të tjera për paketën $10 janë premtuar të vijnë në të ardhmen. Discord gjithashtu i ka ftuar përdoruesit e këtij abonimi që të japin sugjerime mbi opsione që duan ti kenë të implementuara.

Ndërkohë abonentët a tanishëm të Nitro do të kenë mundësi ti luajnë lojërat e tyre deri në 15 tetor. Të gjitha lojërat që janë blerë përmes Discord dhe Nitro Games Perks nuk do të ndikohen. Për të gjithë subscriber-at që mund të duan të bëjnë një rimbursim, Discord e ka mundësuar edhe këtë.