Switch-i kompakt nuk do të ketë Joy-Con të lëvizshëm
Switch-i kompakt nuk do të ketë Joy-Con të lëvizshëm
Nintendo zbuloi një version të ri të konsolës së tij hibride Switch sot, Nintendo Switch Lite, një version më i vogël i sistemit i cili fokusohet në anën portabël të platformës. Nintendo Switch Lite do të kushtojë $199.99 dhe do të lançohet në 20 shtator.
Versioni më i vogël i Nintendo Switch nuk do të ketë Joy-Con të lëvizshëm. Ai është një version kompakt dhe i plotë i cili e bën Nintendo Switch të duket më shumë si një Game Boy ose si një Nintendo DS. Sistemi gjithashtu nuk mund të lidhet me një televizor, pra është një pajisje vetëm për gaming në lëvizje.
Switch Lite vjen me një ekran më të vogël 5.5 inch dhe peshon rreth 250g më pak se Switch. Ai gjithashtu vjen në tre ngjyra: të verdhë, gri dhe gurkali.
Nintendo gjithashtu do të lançojë dhe një version special të kushtuar Pokemon Sword and Shield, me ngjyrë gri të çelët. Në website-in e Nintendo-s mund të gjeni ndryshimet ndërmjet Switch dhe Switch Lite.