Nintendo Switch ia kalon Playstation 4 në shitje totale në Japoni

Me 3 vite më pak!

Mediat japoneze kanë zbuluar se tashmë Nintendo Switch është platforma më e shitur në Japoni. Duke parë trendet e fundit kjo ishte diçka e pritshme, pasi Switch kishte disa javë që shiste shumë më shumë se PS4 dhe PS4 Pro. Më poshtë mund të gjeni shitjet e hardware ndërmjet 29 pril dhe 12 maj:

1. Switch – 83,471
2. Playstation 4 – 17,646
3. Playstation 4 Pro – 12,357
4. New 2DS – 8,840
5. New 3DS – 1,511
6. Playstation Vita – 1,088
7. Xbox One X – 196
8. Xbox One S – 186

Këto shifra e çojnë numrin total të shitjeve të Nintendo Switch në Japoni në 8,125,637, ndërkohë që familja e PS4 (duke përfshirë këtu modelin standart dhe atë Pro) ka deri më tani 8,077,757. Duke parë se konsola e Sony u lançua 3 vite më herët se Switch në Japoni, kjo është një arritje e madhe për Nintendo, sidomos nëse merret parasysh se sa mirë PS4 ka performuar ndaj Xbox One dhe Wii U.