Rikthim në Hyrule
Rikthim në Hyrule
Nintendo ka lajmëruar se po punon për një lojë pasardhëse për The Legend of Zelda: Breath of the Wild në Nintendo Switch, në një lajmërim surprizë në fund të prezantimit të kompanisë dje në E3.
Lajmi u shoqërua me një teaser të shkurtër, që tregon rikthimin si të Link dhe të Zelda nga loja e mëparshme duke eksploruar një shpellë, përpara se të hasin diçka që duket si kufoma e Ganondorf poshtë Hyrule Castle.
The Legend of Zelda: Breath of the Wild u lançua së bashku me Switch dhe është një nga lojërat më të vlerësuara ndonjëherë. Prandaj, lajmi për një lojë pasardhëse që po vjen është vërtet emocionues. Fatkeqësisht, detaje të tjera si data e lançimit ende nuk janë lajmëruar.