A do të kemi një lojë të re?
A do të kemi një lojë të re?
Duket se Nintendo po kërkon dizenjues nivelesh për serinë Legend of Zelda. Pozicioni kërkon që dizenjuesi të punojë në evente, dungeons dhe implementimin e tyre në lojë. Kjo u bë e ditur nga një përdorues në Twitter i quajtur BlackKite, i cili gjithashtu postoi dhe një fotografi të faqes ku ata po kërkonin punë.
Përveç dizenjimit dhe implementimit të niveleve, duket se dizenjuesit gjithashtu do të punojnë në planifikimin, specifikat, ndryshimet dhe implementimin në lojë të kundërshtarëve të ndryshëm. Gjithashtu, ata po kërkojnë planifikues me eksperiencë në prodhimin e videolojërave për konsola dhe specifikisht atyre me njohuri të mira të gjuhës japoneze, pasi ajo do i ndihmojë ata të punojnë dhe komunikojnë më së miri në ekip.
Loja e fundit e serisë The Legend of Zelda ishte Breath of the Wild, e cila u lançua në 2017 dhe mund të luhet në Nintendo Switch dhe Wii U.