Nintendo ka konfirmuar se Overwatch do të vijë në Switch

Loja do të vijë për konsolën në 15 tetor dhe do të kushtojë $40

Pas një jave plot me thashetheme, prezantimi i Nintendo Direct ka konfirmuar se Overwatch do të vijë në Switch. Loja do të vijë për këtë konsolë në 15 tetor dhe do të kushtojë $40.

Overwatch fillimisht u lançua në maj të 2016s për PlayStation 4, Xbox One dhe PC. Kjo është platforma e parë e re për këtë team-based shooter që pas lançimit të saj dhe do të jetë loja e dytë e Blizzard që vjen në konsolën hibride të Nintendo, pas adaptimit të Diablo III në 2018. Ky version do të përfshijë suport dhe për motion controls.

Overwatch ka qenë një hit shumë i madh për Blizzard. Loja ka kaluar shifrën e 40 milion lojtarëve. Diçka që i ka ndihmuar shumë lojtarë të qëndrojnë aktivë janë update-et e vazhdueshme falas që përfshijnë heronj të rinj, harta dhe evente sezonale. Blizzard gjithashtu ka investuar shumë në Overwatch esports me Overwatch League.

Ardhja e lojës në Switch do e prezantojë atë me një audiencë të re dhe do e ndihmojë shumë për të rritur bazën e lojtarëve. Vetë Switch ka qenë një sukses i madh për Nintendo që pas ardhjes në mars të 2017s, duke shiturmbi 36.87 milion konsola. Ndryshe nga paraardhësi i saj Wii U, Switch po tërheq më shumë zhvillues dhe prodhues si puna e Blizzard. Konkurenti free-to-play i Overwatch, Paladins ka qenë në Switch që në 2018n.

Duhet të marrim parasysh se versioni i Overwatch në Switch nuk do të jetë në nivelin vizual që është në PlayStation 4 ose Xbox One, por gjithsesi është prapë goxha progres për lojën.