Kjo do të thotë që nuk duhet të presim për ndonjë hardware të ri Switch
Kjo do të thotë që nuk duhet të presim për ndonjë hardware të ri Switch
Nintendo ka njoftuar planet e saj për E3 2019 dhe janë në të njejtën ide me atë që kompania ka bërë edhe vitet e fundit. Pra sërish, Nintendo do të bëjë një Nintendo Direct të xhiruar paraprakisht në vend të një konference fizike live. Kjo do të ndiqet gjatë gjithë ditës në seancat streaming të Nintendo Treehouse: Live. Pjesa kyçe është që Nintendo thotë se E3 Direct do të “fokusohet plotësisht në software”. Kjo konfirmon se kompania nuk do të prezantojë asnjë hardware të ri Switch gjatë shfaqies.
Për ata që janë Live në Los Angeles, Nintendo do të mbajë turnamentet e Super Smash Bros Ultimate dhe Splatoon 2, të shtunën e 8 qershorit. Këto turnamente do të kenë si konkurentë më të mirët e Amerikës Veriore, Europës, Australisë/ Zelandës së Re dhe Japonisë. Nintendo gjithashtu do të ofrojë një “Warp Pipe Pass” të ri që do të reduktojë sasinë e kohës që njerëzit do të presin përpara stendës së kompanisë. Detajet mbi regjistrimin në Warp Pipe Pass ende nuk janë zbuluar, por është e nevojshme që të keni një Nintendo Account.
Ka shumë gjëra që do të jenë emocionuese për Nintendo në E3 3 këtij viti. Do ti hedhim një Bayonetta 3 dhe do të zbulojmë se çfarë janë duke bërë me Animal Crossing. Përsa i përket gjërave të panjoftuara, besoj se duhet të presim dhe të surprizohemi jo më larg se E3 2019.